Rritet interesimi për kultivimin e boronicës
Në Prishtinë, nga USAID sot është organizuar një konferencë rreth kultivimit të boronicës në Kosovë. Në këtë konferencë kanë marrë pjesë ekspertë ndërkombëtarë dhe vendorë si dhe kultivues të boronicës.
Në emër të MBPZHR-së një fjalë rasti ka mbajtur zëvendësministri Vezir Januzi.
Më poshtë keni fjalimin e tij të mbajtur në këtë konferencë:
Kam kënaqësinë dhe shpreh konsideratën time që jam sot në mesin tuaj për të marrë pjesë në Konferencën për boronicën me përgëzimet e MBPZHR për angazhimin dhe përkushtimin tuaj dhe të partnereve, në veçanti USAID-in, i cili po bënë punë të madhe dhe mbështetje të fuqishme në zhvillimin dhe avancimin e sektorit bujqësor të Kosovës si dhe promovimin e shume produkteve dhe kulturave të cilat janë treguar shumë profitabile në kushtet agroklimatike të Kosovës, dhe të cilat po ndikojnë pozitivisht edhe në rritjen ekonomike dhe ngritjen e mërqinjës rurale në Kosovë.
Dëshiroj të ju informoj se Qeveria dhe MBPZHR, në kuadër te hartimit dhe zbatimit te politikave sektoriale në fokus të veçante e ka zhvillimin dhe ngritjen e sektorit agrorural me qëllim të krijimit të kushteve dhe mundësve politike, ligjore për prodhimin dhe përpunimin e produkteve bujqësore, marketingun e produkteve bujqësore dhe mbështetjen e vazhdueshme financiare përmes granateve dhe subvencioneve dhe format tjera të mbështetjes.
Në kuadër të politikes dhe programit për mbështetje edhe për vitin 2016, Ministria e Bujqësisë e ka venë në mbështetje grumbullimi , përpunimi dhe tregtimit i produkteve jo drusore të malit përfshirë edhe boronicën.
Më lejoni të ju informoj se ne po punojmë ngusht në hartimin e zbatimin e politikave sipas standardeve evropiane. Për një ekonomi konkurruese dhe për ngrijën e mirëqenies rurale në Kosovë.
Edhe pse Kosova është një vend i vogël, ka potencial të mirë për ngritjen dhe zhvillimin e sektorit bujqësor falë kushteve agroklimatike, tokës kualitative dhe ekologjike dhe gatishmërisë së të rinjve për tu marrë me bujqësi.
Pas nënshkrimit te MSA, për Kosovën dhe fermerin kosovar është hapë një mundësi e madhe për tregun konkurrues të BE-së dhe ne padyshim se do të jemi konkurrues me produkte bujqësore dhe agro ushqimore kualitative të prodhuara sipas standardeve te BE-së.
