Ministri Peci pret në takim ambasadorin gjerman Jörg Rohde
26.04.2021Prishtinë, 26 prill 2021 – Ministri i Bujqësisë, Pylltarisë dhe Zhvillimit Rural, z. Faton Peci ka takuar sot Ambasadorin e Gjermanisë në Kosovë z. Jörg Rohde dhe përfaqsuesin e GIZ-it për Kosovë z. David Oberhuber; takim ky në të cilin u konfirmua mbështetja gjermane ndaj institucioneve të Kosovës.
Ministri z. Faton Peci i siguroi se për sa kohë që do të jetë në krye të këtij dikasteri, do të mbizotërojë transparenca, ligjshmëria dhe meritokracia.
Po ashtu të dyja palët shprehen vullnetin e mirë që të angazhohen në hartimin e strategjive për potencialin e lartë që Kosova ka në zhvillimin e sektorit bujqësor.
Së fundmi, Ambasadori Rohde, i uroi Ministrit Peci punë të mbarë dhe i ofroi përkrahjen e Ambasadës Gjermane në të gjitha sferat të cilat i mbulon Ministria e Bujqësisë, Pylltarisë dhe Zhvillimit Rural.