Zëvendësministri Januzi: Blegtoria, sektor me shumë potencial
28.05.2015Zëvendësministri i Ministrisë së Bujqësisë, Pylltarisë dhe Zhvillimit Rural, Vezir Januzi mori pjesë në panairin e 13-të të Gjedhit i cili mbahet në Gjakovë.
Me këtë rast para të pranishmeve zv.ministri, foli për rëndësinë e sektorit të blegtorisë dhe për mbështetje me grante dhe subvencione nga MBPZHR -ja.
Zëvendës ministri Januzi, po ashtu potencoi rëndësinë e mbarështimit të kafshëve dhe ngritjen e cilësisë së prodhimtarisë blegtorale si një ndër sektorët me prioritet të MBPZHR.
“Ministria do të vazhdoj me përkrahjen përmes politikave dhe programeve zhvillimore dhe me investimet në përmirësimin e kushteve të mbarështimit, aplikimit të teknologjive të reja në prodhim dhe përpunim si dhe ngritjen e prodhimtarisë dhe cilësisë së prodhimtarisë”, tha Januzi.
Zëvendësministri tha po ashtu se ministria do te angazhohet edhe për ruajtjen e racave autoktone të cilat janë veçanti e Kosovës.
Këtë Panair e karakterizoi edhe paraqitja për here të parë e Fakultetit të Bujqësisë dhe Veterinarisë me racat e lopëve dhe deleve që gjenden në fermën e fakultetit të bujqësisë.