Ministri Faton Peci merr pjesë në punëtorinë për planifikim strategjik
06.02.2022Me iniciativë të Zyrës së Kryeministrit, Ministri i Bujqësisë, Pylltarisë dhe Zhvillimit Rural Faton Peci së bashku me anëtarë të kabinetit të tij, gjatë ditës së sotme para Kryeministrit Albin Kurti prezantuan të arriturat dhe sfidat nga viti i kaluar, si dhe planet strategjike dhe operacionale për vitin 2022.
Në këtë fillimvit Ministria e Bujqësisë, Pylltarisë dhe Zhvillimit Rural ka identifikuar nevojat e tregut dhe duke u bazuar në këto nevoja do të ketë rritje të përkrahjes për shumë kultura dhe aktivitete bujqësore përmes Programit të Pagesave Direkte 2022 / Subvencioneve dhe Programit për Zhvillim Rural 2022 / Granteve me qëllim të ngritjes së kapaciteteve të prodhuesve dhe agropërpunuesve vendorë.
Thirrjet për aplikim për këto dy programe mbështetëse do të shpallen gjatë muajit mars të këtij viti.