Është hapur zyra rajonale e Agjencisë për Zhvillimin e Bujqësisë në Mitrovicën e Veriut

Prishtinë, 3 prill 2018 – Ministria e Bujqësisë, Pylltarisë dhe Zhvillimit Rural njofton prodhuesit bujqësor individual dhe fermat bujqësore, si dhe të gjithë ata që dëshirojnë të merren me prodhimin bujqësor dhe zhvillimin rural, se në Mitrovicën e Veriut ka filluar punën zyra rajonale e Agjencisë për Zhvillimin e Bujqësisë, si dhe zyrat për shërbime këshillimore në komunat Zveçan, Zubin Potok dhe Leposaviq.

Zyra Rajonale e AZHB-MBPZHR ndodhet në Rr. “Qika Jovina” nr. 3 (kati II), ndërsa do të vijoj me orar të rregullt të punës nga e hëna deri të premten prej 08:00 deri në orën 16:00.

Në pajtueshmëri me programin e punës së MBPZHR-së për vitin 2018 dhe me qëllim të mbështetjes dhe përmirësimit të prodhimit bujqësor, të gjitha palët e interesuara do të jenë në gjendje të marrin informacion për programin, masat, thirrjet për aplikim, subvencionet e ofruara nga programi, si dhe të gjitha udhëzimet në lidhje me aplikimet dhe dokumentacionin e nevojshëm.