MINISTRIA E BUJQËSISË
PYLLTARISË DHE ZHVILLIMIT RURAL

BERZH do të ketë në fokus edhe bujqësinë

23.11.2016

Prishtinë, 23 nëntor 2016 - Ministri i Bujqësisë, Pylltarisë dhe Zhvillimit Rural, Memli Krasniqi ka pritur sot në një takim shefen e Bankës Evropiane për Rindërtim dhe Zhvillim në Kosovë (BERZH), Elena Petrovska, me të cilën kanë biseduar për avancimin e ekonomisë në vend, më theks të veçantë në sektorin e bujqësisë.

Ministri Krasniqi e njoftoi zonjën Petrovska për sfidat dhe të arriturat në bujqësi në Kosovë, duke theksuar ndikimin që ka bujqësia në hapjen e vendeve të reja të punës dhe në rritjen ekonomike në vend. Ai theksoi se vetëm në dy vitet e fundit nga qeveria janë investuar mbi 90 milionë euro që kanë bërë që të rritet prodhimi në shumë nën sektorë dhe të avancohet sektori i përpunimit.

Nga ana e saj zonja Petrovska vlerësoi të arriturat në bujqësi dhe shprehi gatishmërinë që BERZH të ndihmojë në avancimin e  ekonomisë në vend edhe përmes bujqësisë.

Të dy palët u pajtuan që të vazhdojnë diskutimet për mundësitë e thellimit të bashkëpunimit në projekte të ndryshme që lidhen me bujqësinë dhe që mund të kenë ndikim të rëndësishëm në ekonominë e vendit.

  • H
  • M
  • M
  • E
  • P
  • Sh
  • D
    1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31